رحمان: تاجیکستان نمی تواند به سرنوشت افغانستان بی تفاوت باشد

رییس جمهوری تاجیکستان در دیدار با وزیر امور خارجه چین گفت که کشورش نسبت به سرنوشت افغانستان بی‌تفاوت نیست.

به گزارش رادیو دری؛ امامعلی رحمان در دیدار با وانگ یی وزیر امور خارجه چین که برای شرکت در نشست شورای سران سازمان همکاری‌ شانگهای وارد دوشنبه شده است افزود: «کشورش به دلیل وجود مرز طولانی، زبان و تاریخ مشترک با افغانستان نمی‌تواند نسبت به سرنوشت همسایه خود بی‌تفاوت بماند.»

وی تاکید کرد که دوشنبه در پی برقراری صلح و ثبات پایدار در افغانستان است.

در این دیدار توسعه همکاری‌های دوجانبه پکن و دوشنبه در زمینه‌های مختلف سیاسی، اقتصادی و امنیتی بررسی شد.

انتقاد تاجیکستان از همکاری برخی کشورها با طالبان در حمله به پنجشیر

رحمان: جامعه جهانی به مشکلات افغانستان بی تفاوت نباشد