Pars Today

کمیسیاریای عالی پناهندگان سازمان ملل با ابراز نگرانی درباره اخراج پناهجویان افغانستانی از تاجیکستان، از حکومت این کشور خواست مراحل اقامت قانونی و تعیین وضعیت پناهندگان را از سر بگیرد.

به گزارش رادیو دری، کمیسیاریای عالی پناهندگان سازمان ملل (UNHCR) اعلام کرد: دولت تاجیکستان یازدهم نوامبر(بیستم عقرب) ۱۱ مرد، زن و کودک افغانستانی را که در تاجیکستان پناهنده بودند، پیش از بررسی در مورد ادعای پناهند‌گی آنان به افغانستان بازگردانده است.

کمیساریای عالی پناهند‌گان سازمان ملل هم‌چنین از افزایش موانع برای زندگی  شهروندان افغانستانی در تاجیکستان ابراز نگرانی و اعلام کرده است از اواخر ماه جولای( اواخر سرطان) مقام‌های تاجیکستان صدور مجوز اقامت برای همه شهروندان تازه وارد افغانستانی را به حالت تعلیق درآورده‌اند.

کمیساری عالی پناهند‌‌گان سازمان ملل از حکومت تاجیکستان خواسته است که از اخراج اجباری پناهجویان افغان  به این کشور خودداری کند و «فوراً مراحل اقامت قانونی و تعیین وضعیت پناهندگی» را از سر بگیرد.  

این درحالی است که در سال‌های اخیر، شمار زیادی از شهروندان افغانستان که قصد سفر به کشورهای غربی را داشتند، با مهاجرت به تاجیکستان، در دفاترکمیساریای عالی پناهندگان سازمان ملل، پرونده مهاجرتی ایجاد کرده‌اند.