تاجیکستان: فعالیت گروههای تروریستی در افغانستان افزایش یافته است

وزیر خارجه تاجیکستان گفت: افزایش فعالیت گروه‌های تروریستی در افغانستان، تهدیدی جدی برای کشورهای آسیای مرکزی به شمار می‌رود.

به گزارش رادیو دری؛ سراج‌الدین مهرالدین وزیر خارجه تاجیکستان در نشست  وزرای خارجه سازمان همکاری شانگهای افزود: با سقوط دولت قبلی افغانستان، شرایط برای فعالیت گروه‌های تروریستی در این کشور فراهم شده است.

مهرالدین اظهار کرد: ما همه نگران افغانستان هستیم، زیرا گروه‌های تروریستی امروز با شرایط بهتری در آنجا فعالیت می‌کنند.

او گفت: ادامه فعالیت گروه‌های تروریستی باعث افزایش قاچاق مواد مخدر شده و فعالیت‌ این گروه ها، تهدیدی جدی برای کشورهای آسیای مرکزی به شمار می‌رود.

وزیر خارجه تاجیکستان از سازمان همکاری‌های شانگهای خواست تا «فوراً در مورد این موضوع» اقدام کند.

طالبان، گزارش شورای امنیت را درباره فعالیت گروههای تروریستی در افغانستان رد کرد

وزیر داخله تاجیکستان: وعده طالبان برای جلوگیری از قاچاق مواد مخدر عملی نشده است