هشدار سازمان ملل به تاجیکستان: پناهندگان افغان را اخراج نکنید
-
هشدار سازمان ملل به تاجیکستان: پناهندگان افغان را اخراج نکنید
کمیساریای عالی سازمان ملل از تاجیکستان خواست به اخراج پناهندگان افغانستانی پایان دهد.
به گزارش رادیو دری، دفتر کمیساریای عالی سازمان ملل متحد در امور پناهندگان در بیانیه ای نسبت به موارد بازداشت و اخراج پناهجویان افغانستانی از تاجیکستان به طور جدی ابراز نگرانی کرده و از دوشنبه خواسته است به این اقدامات پایان دهد.
در این بیانیه هشدار داده شده است که بازگرداندن اجباری افرادی که از آزار و اذیت فرار می کنند به کشورشان برخلاف میلشان، غیرقانونی است و جان آنها را به خطر می‌اندازد.
مقامات تاجیکستان تاکنون درباره این بیانیه کمیساریای عالی پناهندگان ملل متحد هیچ واکنشی نشان نداده اند.
بر اساس گزارش کمیساریای عالی پناهندگان سازمان ملل تا تابستان سال 2022 بیش از 8 هزار و 500 پناهجوی افغانستانی در تاجیکستان زندگی کرده اند که 5 هزار و 700 نفر از آنها پس از سلطه طالبان به این کشور گریخته اند.
شمار پناهجویان افغان در مرزهای تاجیکستان روز افزون است
انتقاد سازمان ملل از رفتار تاجیکستان در اخراج پناهجویان افغانستانی
