اخراج حدود ۵۰ مهاجر افغانستانی از تاجیکستان به کشورشان

وزارت مهاجران حکومت طالبان اعلام کرد که تاجیکستان ۴۹ مهاجر افغانستانی را «به دلایل نامشخص» اخراج کرده است.

به گزارش رادیو دری؛ بنابر اعلام وزارت مهاجران طالبان، اخراج این افراد در شرایطی صورت گرفته است که ۳۶ نفر از آنان دارای کارت اقامت تاجیکستان و ۱۲ نفر دیگر نیز دارای گذرنامه و ویزا بوده‌اند.

این افراد دو روز پیش از طریق بندر شیرخان در ولایت قندوز به افغانستان بازگردانده شده‌اند.

طالبان تأکید کرده‌است که دلیل اخراج این افراد مشخص نیست و دولت تاجیکستان نیز تاکنون در این باره اظهار نظری نکرده است.

تا پایان سال ۲۰۲۴، شمار مهاجران افغانستانی در تاجیکستان  به حدود ۹ هزار تن رسیده است.

همزمان روند اخراج اجباری مهاجران افغانستانی از پاکستان و بازگرداندن پناهجویان غیرمجاز از ایران به افغانستان نیز ادامه دارد.

گذرگاه‌های تورخم، اسپین‌بولدک، بهرام‌چه، پل ابریشم و اسلام‌قلعه مهم ترین مرزهای بازگشت اتباع افغانستانی به کشورشان هستند.

سازمان ملل: تاجیکستان باید اخراج پناهجویان افغانستانی را متوقف کند

تاجیکستان روند اخراج مهاجران افغانستانی را تشدید کرده است