«Գազպրոմ նեֆտը» ՀՀ-ին նավթամթերք կմատակարարի ռուբլով
«Գազպրոմ նեֆտը» սկսում է Հայաստանին նավթամթերք մատակարարել ռուբլով: Ընկերությունը մտադիր է առաջիկայում ռուբլով հաշվարկի անցնել Եվրասիական տնտեսական միության բոլոր երկրների հետ:
Այդ մասին լրագրողներին հայտնել է «Գազպրոմ նեֆտ» ընկերության ղեկավար Ալեքսանդր Դյուկովը Պետերբուրգի միջազգային տնտեսական համաժողովի շրջանակում:
«Ընթացիկ տարվանից մենք նավթամթերքի առաքումները դեպի ՀՀ ռուբլով կիրականացնենք: Առաջիկայում մտադիր ենք նույնը անել նաև ԵՏՄ անդամ մյուս երկրների դեպքում»,-ասել է նա, հայտնում է ՏԱՍՍ-ը:
«Մեր պայմանագրերը հնարավորություն են տալիս ցանկացած պահի անցնել յուանի կամ եվրոյի, ու մատակարարումների մի մասը, համապատասխանաբար, հաշվարկել այդ արժույթներով»,-ասել է նա։
Պետերբուրգի միջազգային տնտեսական համաժողովը մեկնարկել է հունիսի 6-ին և աշխատանքը կշարունակի մինչև հունիսի 8-ը: Համաժողվոի միջոցառումների կարգախոսն է՝ «Ձևավորելով կայուն զարգացման օրակարգ»:
Panarmenian.net
