Երևանում մեկնարկեց ՀԱՊԿ խորհրդարանական վեհաժողովի խորհրդի նիստը
Երևանում մեկնարկեց Հավաքական անվտանգության պայմանագրի կազմակերպության խորհրդարանական վեհաժողովի խորհրդի նիստը:
«Արմենպրես»-ի փոխանցմամբ՝ նիստն անցկացվում է Հայաստանի Հանրապետության Պաշտպանության նախարարության վարչական համալիրում:
Խորհրդարանական վեհաժողովին մասնակցում են Հայաստանի Ազգային ժողովի նախագահ Արարատ Միրզոյանը, ՀԱՊԿ ԽՎ նախագաh Վյաչեսլավ Վոլոդինը, Բելառուսի, Ղազախստանի, Ղրղզստանի, Տաջիկստանի, Ուզբեկստանի Աֆղանստանի, Սերբիայի խորհրդարանների խոսնակները, ՌԴ Դաշնային խորհրդի փոխխոսնակ Յուրի Վորոբյովը: Սերբիայի և Աֆղանստանի խորհրդարանների ղեկավարները նիստին մասնակցում են որպես դիտորդ:
Հայաստանի խորհրդարանի նախագահ Արարատ Միրզոյանը բացման խոսքում ողջունեց վեհաժողովի խորհրդի նիստի մասնակիցներին և մաղթեց արդյունավետ աշխատանք:
Խորհրդարանական վեհաժողովի խորհրդի նիստի ավարտից հետո կմեկնարկի ՀԱՊԿ խորհրդարանական վեհաժողովի 12-րդ լիագումար նիստը:
Armenpress.am
