Հանրահավաքից հետո սկսվեց երթ դեպի կառավարական առանձնատներ. Փաշինյանին վերջնաժամկետ կներկայացնեն

Նիկոլ Փաշինյանի հրաժարականի պահանջով Հայրենիքի փրկության շարժման համազգային հանրահավաքը ավարտվեց, սկսվեց երթ դեպի Նիկոլ Փաշինյանի կառավարական առանձնատուն։

«Քանի որ հանրահավաքի հայտարարություններից Նիկոլ խիստ վախեցած է, քանի որ սովորության համաձայն աշխատանքային ժամերից ավելին չի էլ աշխատել, և 2․5 տարի նա վայելում է ամառանոցները շաբաթվա վերջին, մենք մեր հեռանալու պահանջը անմիջայականորեն կփոփանցենք նրա կառավարական ամառանոցի մոտ, որ նրա ականջին օղ լինի, որ լավ լսի ու հասկանա՝ իրեն հայրենիքը չի ուզում»,– հայտարարեց Գեղամ Մանուկյանը։

Քայլերթն սկսվեց Բաղրամյան պողոտա, Պռոշյան փողոց, կառավարության առանձնատներ երթուղով։ Հանրահավաքի մասնակիցները պատրաստվում են Նիկոլ Փաշինյանին ներկայացնել հստակ պայմաններ և վերջնաժամկետ։

Երթն առաջնորդում են քաղաքական ուժերի ղեկավարները՝ Հայրենիքի փրկության շարժման վարչապետի թեկնածու Վազգեն Մանուկյանի գլխավորությամբ։

news.am/arm/