Հայաստանը գործարկել է Ղարաբաղյան պատերազմի ընթացքում իրականացված ռազմական հանցագործությունների վերաբերյալ եռալեզու կայք
ՀՀ վարչապետի աշխատակազմի Հանրային կապերի և տեղեկատվության կենտրոնը գործարկել է «Ադրբեջանի ռազմական հանցագործությունները» անվամբ նոր կայք: Կայքը աշխատում է երեք լեզվով՝ հայերեն, ռուսերեն և անգլերեն:
Հայաստանի Հանրային ռադիոյի կայքի փոխանցմամբ, War.karabakhrecords.info հասցեում գործող նոր կայքի նպատակը 2020 թ. աշնանը Ղարաբաղի դեմ Ադրբեջանի ագրեսիայի ընթացքում և պատերազմի ավարտից հետո Ադրբեջանի իրականացրած ռազմական հանցագործությունների, Ղարաբաղում հայկական մշակութային հուշարձանների ոչնչացման և այլ թեմաների վերաբերյալ փաստական տվյալների ներկայացումն է մեկ ընդհանուր բազայում:
Կայքը բաղկացած է հետևյալ հիմնական բաժիններից՝ Ռազմական հանցագործություններ,ռազմագերիներ, մշակութային ցեղասպանություն,ատելության խոսք, վարձկաններ (սիրիացի ահաբեկիչների ներգրավումը պատերազմին, և Թուրքիայի դերը), զեկույցներ (միջազգային և տեղական):
Մինչ այժմ Ադրբեջանի իշխանությունները չեն արձագանքել Հայաստանի կողմից նոր կայքի գործարկմանը:
Չնայած 2020 թվականի նոյեմբերի 9-ին Հայաստանի, Ադրբեջանի և Ռուսաստանի ղեկավարների միջև ռազմական գործողությունների դադարեցման վերաբերյալ ստորագրված եռակողմ հայտարարությանը, հերթական անգամ սկսվել է հայ-ադրբեջանական սահմանային հակամարտւթյունը:
