Հայաստանում տեղի է ունեցել «Նիմայական ընթերցումներ» խորագրով միջոցառում
ԵՊՀ արևելագիտության ֆակուլտետում, մի խումբ դասախոսների, ուսանողների և պարսից լեզվով ու գրականությամբ հետաքրքրվողների մասնակցությամբ, տեղի է ունեցել «Նիմայական ընթերցումներ» խորագրով միջոցառում:
ԻՌՆԱ-ի հաղորդման համաձայն, ԵՊՀ Իրանագիտության ամբիոնի վարիչ Վարդան Ոսկանյանը հանդիպմանն ասել է.«Պարսկական պոեզիան իրանական ողջ մշակույթի հայելին է»:
Ոսկանյանը հավելել է, որ պարսկական պոեզիայի և դրա զարգացման փուլերի վերաբերյալ տեղեկություններն անհրաժեշտ և կարևոր են բոլոր նրանց համար, ովքեր հետաքրքրվում են իրանական մշակույթով։
Ամբիոնի պրոֆեսոր Գառնիկ Գևորգյանն ասել է. «Ժամանակակից պարսկական գրականությունը մեծ ներուժ ունի իրանական մշակույթի խորը ըմբռնման համար: Հուսով ենք, որ հայ ուսանողների և հետազոտողների համար պայմաններ կստեղծվեն՝ ավելի լավ ծանոթանալու իրանական ժամանակակից պոեզիային և գեղարվեստական գրականությանը»:
Հանդիպմանը, ԵՊՀ Իրանագիտության ամբիոնի երրորդ կուրսի մի խումբ ուսանողներ ներկայացրել են հետազոտական նյութեր՝ ժամանակակից պարսկական պոեզիայի առաջամարտիկների վերաբերյալ:
