Ռուսական կործանիչները ուսումնական թռիչքներ են կատարել Հայաստանում
Հարավային ռազմական օկրուգի կործանիչ ավիացիայի անձնակազմերը ՄիԳ-29 և Սու-30ՍՄ կործանիչներով ուսումնամարզական թռիչքներ են իրականացրել «Էրեբունի» ավիաբազայից: Տեղեկությունը հայտնում է ՌԴ Հարավային ռազմական օկրուգի մամուլի ծառայությունը:
«Անձնակազմերը օդերևութաբանական բարդ պայմաններում օդաչուական բարդ տարրերով ուսումնամարտական խնդիրներ են կատարել»,- ասված է հաղորդագրության մեջ:
Նշվում է, որ զինծառայողները օդանավի վթարային վայրէջքի վարժանքներ են կատարել շարժիչների մեկ խափանման դեպքում, ինչպես նաև սահմանափակ տեսանելիության ժամանակ աերոզոլային և ծխածածկույթների կիրառման պայմաններում, պայմանական հակառակորդի կողմից ավիացիոն հարվածի հետևանքով թռիչքուղու մասնակի քայքայման դեպքում: Վարժանքներին ավելի քան 10 ինքնաթիռ է մասնակցել։
«Վիտյազներ» ավիախումբը բարձրագույն պիլոտաժի հնարքներ է ցուցադրում Երևանի երկնքում
armeniasputnik.am
