Նիկոլ Փաշինյանը մարտին Թուրքիա կայցելի. Թուրքիայի փոխնախագահ

Երևանը դեռ չի հաստատել Անթալիայի համաժողովին մասնակցությունը, սակայն Անկարան արդեն պնդում է, որ մասնակցություն լինելու է։

ԵՐԵՎԱՆ, 5 փետրվարի – Sputnik. Հայաստանի Հանրապետության վարչապետ Նիկոլ Փաշինյանը մարտին կայցելի Թուրքիա։ Այս մասին հայտարարել է Թուրքիայի փոխնախագահ Ֆուաթ Օքթայը:

«Փաշինյանը մարտին կայցելի Թուրքիա և Անթալիայում կմասնակցի դիվանագիտական համաժողովին»,-Օքթայի խոսքը մեջբերում է Ahaber հեռուստաալիքը:

Նշենք, որ ՀՀ արտաքին գործերի նախարար Արարատ Միրզոյանը փետրվարի 2-ին հայտարարել էր, որ հայկական կողմը դեռևս վերջնական որոշում չի կայացրել Անթալիայի դիվանագիտական համաժողովին մասնակցելու վերաբերյալ:

Ավելի վաղ Հայաստանի վարչապետ Նիկոլ Փաշինյանը չէր բացառել Թուրքիայի հետ այս տարի դիվանագիտական հարաբերությունների հաստատումը:

Հիշեցնենք` Հայաստանի և Թուրքիայի միջև դիվանագիտական հարաբերություններ չկան. 2009 թվականին Ցյուրիխում երկու երկրների արտգործնախարարները դիվանագիտական հարաբերություններ հաստատելու մասին արձանագրություններ ստորագրեցին, սակայն այդ փաստաթղթերն այդպես էլ չվավերացվեցին։

Երևանն ու Անկարան 2021 թվականի դեկտեմբերին հայտարարեցին, որ պատրաստ են հարաբերությունների կարգավորմանն ուղղված հստակ քայլեր ձեռնարկել և երկուստեք հատուկ ներկայացուցիչներ նշանակեցին, Անկարան՝ Վաշինգտոնում Թուրքիայի նախկին դեսպան Սերդար Քըլըչին, իսկ Հայաստանը՝ Ազգային ժողովի նախագահի տեղակալ Ռուբեն Ռուբինյանին։

Հունվարի 14-ին Հայաստանի և Թուրքիայի հատուկ ներկայացուցիչները հանդիպեցին Մոսկվայում։

Ավելի ուշ ԱԳՆ–ն հայտարարեց, որ կողմերը համաձայնել են շարունակել լիարժեք կարգավորմանն ուղղված բանակցությունները՝ առանց նախապայմանների։

https://armeniasputnik.am/20220205/pashinjany-martin-turqia-kajceli-turq-pvokhnakhagah-38336509.html

Հայերեն ռադիոալիքին հետևեք սոցցանցերում

https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio