Պլանավորվում է Ադրբեջանի պատգամավորների այցը Երևան Եվրանեսթի նիստին մասնակցելու համար

Եվրանեսթ խորհրդարանական վեհաժողովի բյուրոյի և հանձնաժողովների նիստերին, որոնք տեղի են ունենալու Երևանում, պլանավորվում է Եվրոպական խորհրդարանի, ինչպես նաև Ադրբեջանի, Ուկրաինայի, Վրաստանի խորհրդարանների պատգամավորների այցը ՀՀ: Տեղեկությունը հայտնում է ՀՀ ազգային ժողովի մամուլի ծառայությունը։

Նիստերը կայանալու են փետրվարի 21-22-ին։

Դրանց կմասնակցեն Արևելյան գործընկերության երկրների խորհրդարանների և Եվրոպական խորհրդարանի պատգամավորներ:

Մշտական հանձնաժողովների նիստերը հեռարձակվելու են առցանց:

Փետրվարի 22-ին՝ Կարեն Դեմիրճյանի անվան մարզահամերգային համալիրի նախասրահում տեղի է ունենալու Եվրանեսթ ԽՎ-ում ՀՀ պատվիրակության ղեկավար Մարիա Կարապետյանի ճեպազրույցը:

Նշենք, որ Եվրանեսթի խորհրդարանական վեհաժողովը հիմնվել է 2003 թվականին Եվրոպական հանձնաժողովի կողմից` որպես Արևելյան գործընկերության բաղկացուցիչ մաս։

armeniasputnik.am