Հյուսիս-հարավի կառուցման ծրագրում Հայաստանը կարևորում է ԱԶԲ–ի ներգրավվածությունը
Ասիական զարգացման բանկի (ԱԶԲ) ներգրավվածությունը Հյուսիս-հարավ ճանապարհային մայրուղու կառուցման ծրագրում կարևոր է։
Նման կարծիք են հայտնել փոխվարչապետ Մհեր Գրիգորյանն ու ԱԶԲ գործադիր տնօրեն Արիֆ Բահարուդինը։ Տեղեկությունը հայտնում է կառավարությունը` հավելելով, որ Գրիգորյանն այսօր ընդունել է ԱԶԲ գործադիր տնօրենին։
«Փոխվարչապետը բարձր է գնահատել ԱԶԲ–ի հետ ձևավորված համապարփակ համագործակցության մակարդակը։ Նա կարևորել է ԱԶԲ–ի հետ համագործակցությունը նաև մասնավոր հատվածի համար՝ մասնավորապես ճիշտ բիզնես մշակույթի ձևավորման և բիզնեսների թափանցիկության բարձրացման տեսանկյունից»,–նշված է հաղորդագրության մեջ։
Հյուսիս-հարավ ճանապարհի Սիսիան–Քաջարան հատվածի շինարարության համար մրցույթ կհայտարարվի
Շեշտելով, որ ԱԶԲ-ն զգալի ներգրավվածություն ունի Հայաստանում մի շարք ուղղություններով իրականացվող բարեփոխումների գործընթացում և Հայաստանի համար կարևորագույն ծրագրերում, Գրիգորյանը ներկայացրել է կառավարության կողմից իրականացվող բարեփոխումների բովանդակությունն ու հիմնական ուղղությունները:
Անդրադարձ է կատարվել մարդկային կապիտալի զարգացման, ենթակառուցվածքների և տնտեսության ոլորտներում նախատեսված բարեփոխումներին։
armeniasputnik.am
