Վարչապետի խոսքով՝ ավելի քան 50 զինծառայող մեղադրվում է լրտեսական գործունեության մեջ
Վարչապետ Նիկոլ Փաշինյանը հայտարարեց, որ 50-ից ավելի զինծառայող մեղադրվում է լրտեսական գործունեության մեջ:
« Տեսեք՝ ինչ է կատարվում: Հիմա քրեական գործեր մեկը մյուսի հետևից, այդ քրեական գործերի մանրամասները հանրությունը չգիտի և շատ դեպքերում չի էլ իմանա, որովհետև գաղտնի տեղեկություններ կան: Քրեական գործի շրջանակներում գործընկերներ կան, ովքեր ասում են, որ դռնփակ նիստեր են անում, լրատվամիջոցներին չի ուզում կառավարությունը, որ չբացահայտվի: Ի՞ նչը պետք է բացահայտվի, բան կա՞, որ պետք է բացահայտվի: Հասկանո՞ւմ եք՝ 50-ից ավելի զինծառայող մեղադրվում է լրտեսական գործունեության մեջ: Հասկանո՞ւմ ենք, սա ի՞ նչ է: Երբ մեր կոորդինատ գրողը պարզվել է, որ ադրբեջանական գործակալ է և սխալ կոորդինատ է տալիս: Սա հայրենիքի դավաճանություն անողն է»,- «Արմենպրես»-ի հաղորդմամբ՝ առցանց ասուլիսի ժամանակ ասաց Փաշինյանը:
armenpress.am
