ՊՆ. ՀՀ-ում Ադրբեջանի ԶՈւ զինծառայող է հայտնաբերվել և ձերբակալվել
Ապրիլ 10, 2023 10:08 Asia/Tehran
ՀՀ պաշտպանության նախարարությունը հայտնել է, որ Հայաստանում հայտնաբերվել և ձերբակալվել է Ադրբեջանի ԶՈւ զինծառայող։
«Ապրիլի 10-ին՝ ժամը 01:00-02:00-ն ընկած ժամանակահատվածում, ՀՀ տարածքում հայտնաբերվել և ձերբակալվել է Ադրբեջանի ԶՈւ զինծառայող: Ըստ նրա խոսքի, իր հետ եղել է ևս մեկ զինծառայող, որի որոնողական աշխատանքները շարունակվում են»,-ասվում է հաղորդագրության մեջ։
Ադրբեջանական ԶԼՄ-ները հայտնել են, որ Նախիջևանի տարածքից երկու զինծառայողի հետ կապը կորել է, նրանք մոլորվել են։
«Սահմանափակ տեսանելիության և անբարենպաստ եղանակային պայմաններում Նախիջևանի Ինքնավար Հանրապետության Շահբուզի շրջանից ադրբեջանական բանակի 2 զինծառայող մոլորվել է»,-ասվում է Ադրբեջանի ՊՆ հաղորդագրության մեջ, գրում է Haqqin.az-ը։
panarmenian.net