Հայաստանի նախագահը բարձր է գնահատել Իրանի մշտական աջակցությունը
ՀՀ նախագահը Երեւանում Իրանի Իսլամական Հանրապետության դեսպանի հետ հանդիպմանը բարձր է գնահատել Իրանի մշտական աջակցությունը Հայաստանի նկատմամբ:
Երևանում ԻԻՀ դեսպանությունը հայտարարել է, որ Հանրապետության նախագահ Վահագն Խաչատուրյանն այսօր ընդունել է Հայաստանում Իրանի Իսլամական Հանրապետության արտակարգ և լիազոր դեսպան Աբբաս Բադախշան Զոհուրիին:
Խոսքն ուղղելով դեսպանին Խաչատուրյանն ասել է.«Հայաստանի նորանկախ պատմության ամենադժվարին ժամանակաշրջաններից մեկի ընթացքում Իրանի իսլամական հանրապետությունը եղել է Հայաստանի կողքին և այդ ընթացքում վայելել ենք ԻԻՀ աջակցությունը»:
Հանդիպմանը Խաչատուրյանը բարձր է գնահատել դեսպանի պաշտոնում Աբբաս Բադախշան Զոհուրիի ջանքերը:
Անդրադառնալով վերջին տարիների ընթացքում երկկողմ հարաբերություններին, դեսպանը հույս է հայտնել, որ երկու երկրի պաշտոնատարների ջանքերի շրջանակում կընդլայնվեն երկկողմ հարաբերությունները:
Հանդիպման ընթացքում կողմերը քննարկել են էներգետիկայի, շրջակա միջավայրի պահպանության, ենթակառուցվածքների զարգացման, հատկապես Հայաստանում Հյուսիս-Հարավ ճանապարհի լրացման, գիտության և տեխնիկայի ոլորտում համագործակցության, ինչպես նաև համատեղ ծրագրերի իրականացման համար առկա կարողությունների օգտագործման հետ կապված հարցեր: