Հայաստանը հայտարարություններին զուգահեռ զինվում է. Ալեն Սիմոնյան
Ես ճանաչում եմ Ադրբեջանի տարածքային ամբողջականությունը: Այս մասին այսօր՝ սեպտեմբերի 5-ին, Երեւանի Շենգավիթ համայնքում քարոզարշավի ժամանակ լրագրողների հետ զրույցում նշեց ԱԺ նախագահ Ալեն Սիմոնյանը՝ անդրադառնալով հարցին, թե արդյոք ինքը ճնաչում է Արցախն Ադրբեջանի կազմում:
Դիտարկմանը, որ 2021 թվականին ՔՊ-ն ընտրողներին իր ծրագրում խոստանում էր գրավյալ տաևրածքների դեօկուպացիա եւ Արցախի հարցում ինքնորոշման իրավունքի բարձրաձայնում, ինչու են հիմա նշաձողն իջեցրել, Ալեն Սիմոնյանն ասաց. «Որովհետեւ տեղի են ունենում բանակցություններ: Տեսեք, վարչապետը հաճախ ասում է նրա մասին, որ Ադրբեջանի կողմից եւս պետք է հնչեն այն հայտարարությունները, որոնք դեէսկալացիա կանեն եւ ավելի կմոտեցնեն խաղաղության պայմանագրի ստորագրումը: Հայաստանն իր կողմից անում է այդ հայտարարությունները, միաժամանակ զինվում է եւ պատրաստվում է իր սահմանները մինչեւ վերջ պաշտպանել: Երբ վարչապետն ասում ՝ 29800 քկմ, դա ինքը չի ասում միայն արտքին աշխարհի ու մեր ժողովրդի համար, նա դա ասում է նաեւ իր համար, դրվում է կարմիր գիծ»: