«Փաշինյանի» զգուշացումը՝ տարածաշրջանում ռազմաքաղաքական իրավիճակի վատթարացման մասին
Հայաստանի վարչապետը զգուշացրել է հարավկովկասյան տարածաշրջանում, այդ թվում՝ Լեռնային Ղարաբաղում տիրող ռազմաքաղաքական իրավիճակի մասին։
2020 թվականին ղարաբաղյան տարածաշրջանում Հայաստանի և Ադրբեջանի միջև տեղի ունեցած 44-օրյա պատերազմից հետո, երկու երկրները Ռուսաստանի միջնորդությամբ հրադադարի մասին համաձայնագիր ստորագրեցին, և այս տարածաշրջանի որոշ հատվածներ հանձնվեցին Ադրբեջանին: Չնայած հրադադարի համաձայնագրի ստորագրմանը, երկու երկրների հարաբերություններում լարվածություն է տիրում և կողմերը բազմիցս միմյանց մեղադրել են հրադադարի ռեժիմը խախտելու մեջ։
Ինչպես հաղորդում է ԻՍՆԱ լրատվական գործակալությունը, այսօր կայացած կառավարության նիստում ՀՀ վարչապետ Նիկոլ Փաշինյանը հայտարարել է,-«Նախորդ շաբաթվա ընթացքում ռազմաքաղաքական իրավիճակը մեր տարածաշրջանում էականորեն սրվել է»:
ՀՀ վարչապետն ասել է.-««Պատճառն այն է, որ Ադրբեջանն օրեր շարունակ զորքեր է կուտակում Լեռնային Ղարաբաղի շփման գծի եւ Հայաստան-Ադրբեջան սահմանագծի երկայնքով: Ադրբեջանական մամուլում եւ քարոզչական հարթակներում ավելի է ահագնացել հակահայկական ատելության հռետորաբանությունը»:
Փաշինյանն ընդգծել է,-«Հայաստանը պատրաստ է ու ցանկանում է խաղաղության պայմանագիր կնքել Ադրբեջանի հետ»:
Հայաստանի Կառավարության նիստի ժամանակ Նիկոլ Փաշինյանը նաև ասել է,-«Ադրբեջանը շարունակում է ապօրինի արգելափակված պահել Լաչինի միջանցքը, հումանիտար ճգնաժամը Լեռնային Ղարաբաղում հասել է գագաթնակետին, և իրավիճակն այնպիսին է, որ միջազգային հանրությունը պետք է միջոցներ ձեռնարկի ճգնաժամը վերացնելու համար»։
«Ակնհայտ է, որ Ադրբեջանի Հանրապետւթյունն այս գործողություններով ի ցույց է դնում ընդդեմ Լեռնային Ղարաբաղի և Հայաստանի Հանրապետության նոր ռազմական սադրանք ձեռնարկելու իր մտադրությունը», հավելել է ՀՀ վարչապետը։
