Հայաստանում հեղաշրջման նախապատրաստման մասին լուրերը «կեղծ» են. Զախարովա
Սեպտեմբեր 13, 2023 13:56 Asia/Tehran
ՌԴ ԱԳՆ խոսնակը հերքել է հայկական սոցցանցերում հրապարակված լուրը Հայաստանում հեղաշրջում իրականացնելու նպատակով Վագներ խմբավորման 3000 հայ մարտիկների ներկայության մասին։
Մարիա Զախարովան ասել է. «Քիչ հավանական է, որ այդքան մարդկանց ժամանումն ու ներկայությունը չնկատվեր: Եթե դուք խոսում եք այս թվի ուժերի մասին, ապա որտե՞ղ են նրանք։ Այստեղ (Հայաստանը) մեկ միլիարդ բնակչություն ունեցող երկիր չէ: Այս երկիրը քիչ բնակչություն ունի, հավանաբար այդ մարդկանց կնկատեին: Սրանք բոլորն առասպելներ են»:
Նա ընդգծեց, որ Ռուսաստանը երբեք Հայաստանի թշնամին չի եղել և «պետք չէ նրանում թշնամի փնտրել»։