Կողմ ենք Հայաստանի և Ադրբեջանի միջև խաղաղության հաստատմանը միջազգային իրավունքի շրջանակներում
Կողմ ենք Հայաստանի և Ադրբեջանի միջև խաղաղության հաստատմանը միջազգային իրավունքի շրջանակներում
«Մենք օրենսդրության մի նոր բաղադրիչ ունենք, որը նպաստում է ռազմական հետազոտությունների և նորարարությունների աճին։ Շատ ուրախ կլինենք, եթե հայկական ընկերությունները, որոնք հետաքրքրված են, մասնակցեն այս էկոհամակարգին»-, ասել է Հունաստանի Հանրապետության ազգային պաշտպանության նախարար Նիկոլաոս Դենդիասը ՀՀ պաշտպանության նախարար Սուրեն Պապիկյանի հետ համատեղ ասուլիսի ժամանակ։ Նա միաժամանակ հայտարարել է, որ Հունաստանը կողմ է Հայաաստանի և Բաքվի միջև խաղաղության հաստատմանը միջազգային իրավունքի շրջանակներում։ Բացի այդ, Հունաստանի ազգային պաշտպանության նախարարը հնարավոր է համարում Հայաստան-Հունաստան-Ֆրանսիա-Հնդկաստան քառակողմ համագործակցությունը պաշտպանության ոլորտում։
