Մեկնարկել է «Տավուշը հանուն հայրենիքի» շարժման երթը. բազմաթիվ քաղաքացիներ Օպերայի մոտ են
«Տավուշը հանուն հայրենիքի» շարժման անդամներն ու նրանց կողմնակիցները Ալ. Սպենդիարյանի անվան Օպերայի և բալետի շենքի մոտ են` անհամաձայնություն հայտնելու ՀՀ վարչապետ Նիկոլ Փաշինյանին։
Հայտնել ենք, որ «Տավուշը հանուն հայրենիքի» շարժման առաջնորդներից Բագրատ արքեպիսկոպոս Գալստանյանը մայիսի 14–ին հայտարարել էր, որ մայիսի 15-ին` ժամը 17։00–ին, երթով պետք է շարժվել Օպերայի տարածք` վարվող քաղաքականության համար պատաասխան պահանջելու ՀՀ վարչապետ Նիկոլ Փաշինյանից, որը ելույթ է ունենալու EBRD միջազգային ֆորումի շրջանակում։
Երևանի տարբեր հատվածներից մի քանի հարյուր քաղաքացիներ երթով հասել են Ազատության հրապարակ։ Հյուսիսային պողոտայի կողմից` Թումանյան փողոցի հատվածում, բազմաթիվ ոստիկաններ կան, որոնք սահմանափակել են մարդկանց տեղաշարժը։ Նաև երկաթե արգելապատնեշներ ենտեղադրվել։ Նույն իրավիճակն է նաև Օպերայի շենքին հարող այլ փողոցներում։
Թումանյան փողոցի մոտ քաղաքացիները նաև «վուվուզելներով» անդադար սուլում են` ի նշան բողոքի, երբ այդ մասով անցնում են EBRD-ի ներկայացուցիչները։
