Մեր պլաններում արտահերթ ընտրություններ չկան. Նիկոլ Փաշինյան
«Մեր պլաններում արտահերթ ընտրություններ չկան: Եվ ուզում եմ Ձեր ուշադրությունը հրավիրել այն փաստի վրա, որ արտահերթ ընտրությունների նախապատրաստության մասին խոսակցություններ եղել են միշտ, այսինքն՝ այդտեղ նորություն չկա»: Այս մասին Հանրային հեռուստաընկերությանը տված հարցազրույցում նշել է Նիկոլ Փաշինյանը։
Խոսելով այն մասին, թե ինչով է պայմանավորված վերջին շրջանում սոցիալական ցանցերում ակտիվությունը, Նիկոլ Փաշինյանն ասել է.
«Կարծում եմ՝ դա էլ ավելի մեծ թափանցիկություն ապահովելու և ավելի շատ մարդկանց հետ հաղորդակցության մեջ լինելու անհրաժեշտությունից է բխում: Պիտի նկատած լինի ցանկացած չեզոք դիտորդ, որ ոչ միայն քաղաքացիների հետ շփումից չեմ խուսափել երբեք, այլ ընդհակառակը՝ ես ինքս եմ առիթներ փնտրում նման շփումների համար: Եվ դա բխում է մի պարզ իրողությունից՝ մեր Կառավարության և իմ՝ վարչապետ դառնալու հանգամանքներից, ծագումնաբանությունից, կարճ ասած՝ ժողովրդավարությունից»։