Իրանի նավթաքիմիական շուկան գրավիչ է Հայաստանի համար
Հայկական «Ռաֆ Օջախ» ընկերության գործադիր տնօրեն Պետրոս Սահակյանը «Իրան Էքսպո 2025» ցուցահանդեսի շրջանակներում հայտարարել է, որ իրանական նավթաքիմիական արտադրանքը շատ գրավիչ է հայկական արդյունաբերության ոլորտի համար։ Նա նշել է, որ ցուցահանդեսին մասնակցելը լավ հնարավորություն է՝ գտնելու հայկական շուկային անհրաժեշտ ապրանքները։
Արդեն 6 տարի շարունակ «Իրան Էքսպո» ցուցահանդեսին մասնակցող Սահակյանն ասել է. «Ես ցանկանում եմ համագործակցել իրանական նավթաքիմիական ընկերությունների հետ և գնել այնպիսի արտադրանք, որը հաճախորդներ ունի Հայաստանում»։
Նա հավելել է, որ ընկերությունն Իրանում գործընկերներ ունի և ցուցահանդեսին մասնակցում է բիզնեսը զարգացնելու նպատակով։
«Իրան Էքսպո» ցուցահանդեսն անցկացվում է 111 երկրների առևտրային պատվիրակությունների և ավելի քան 3 հազար 100 տնտեսական ակտիվիստների մասնակցությամբ։
Ցուցահանդեսին իրանական նավթաքիմիական արտադրանքը ներկայացված է չորս խմբերով՝ մեթանոլ, միզանյութ, քիմիական նյութեր և պոլիմերներ։