Ֆրանսիայի դեսպանատան մոտ բողոքի ակցիա է ընթանում

Հավաքվածները դժգոհ են Հարավային Կովկասի գործընթացներին ԵՄ միջամտությունից՝ Ֆրանսիայի ԱԳ նախարար Ժան-Նոել Բարոյի Երևան կատարած այցի ֆոնին:

«Միասին» շարժման կազմակերպած ակցիայի մասնակիցները պաստառներ են բերել՝ «Ձեր դեմոկրատիայով գնացեք G7-ի մոտ», «Կիլիկիա 1921, Պրահա 2022, Արցախ 2023՝ բոլորը Ֆրանսիայի շնորհիվ» գրություններով:

«2022–ին, երբ Պրահայում Արցախը ճանաչվեց Ադրբեջանի մաս, Ֆրանսիան, լինելով մեզ բարեկամ, ոչինչ չառաջարկեց, որ գոնե Արցախի կարգավիճակի հարցը վերջանական չփակվեր:Եվ ի՞նչ շահ ունեն եվրոպացիները այստեղ՝ Իրանի հետ սահմանին, մի երկրում, որ Ռուսաստանի ռազմական դաշնակիցն է»,–լրագրողների հետ զրույցում ասաց «Լույս» տեղեկատվական–վերլուծական կենտրոնի ղեկավար Հայկ Այվազյանը։