Նիկոլ Փաշինյանը բոլորից ներողություն է խնդրում
ՀՀ վարչապետ Նիկոլ Փաշինյանը, չնայած Կոռուպցիայի կանխարգելման հանձնաժողովի որոշումների մի քանի գնահատականների հետ այնքան էլ համաձայն չէ, բայց բոլորից ներողություն է խնդրում։ Այս մասին նա գրել է ֆեյսբուքյան իր էջում։
Ավելի վաղ հայտնել էինք, որ ՀՀ կոռուպցիայի կանխարգելման հանձնաժողովը եզրակացրել է, որ ՀՀ վարչապետ Նիկոլ Փաշինյանն ֆեյսբուքյան իր գրառմամբ վարքագծի կանոն է խախտել։
«ՀՀ Կոռուպցիայի կանխարգելման հանձնաժողովը երկու հայտնի դրվագներով վարքագծի կանոնների խախտում է արձանագրել իմ խոսքում։ Սիրելի ժողովուրդ, չնայած որոշումների մի քանի գնահատականների հետ այնքան էլ համաձայն չեմ, բոլորիցդ ներողություն եմ խնդրում։ Ճշգրիտ լինելու համար ընդգծեմ. ներողությունս վերաբերվում է կոնկրետ երկու արտահայտությունների, որոնց վերաբերյալ որոշում է կայացրել ԿԿՀ-ն»,–գրել է նա։
Չնայած ներողությանը Փաշինյանը շարունակել է պնդել, որ դրանց հետ ասոցացված քաղաքական, հոգևոր և բարոյական սկզբունքների վերահաստատման նպատակը և այդ նպատակը ժողովրդի աջակցությամբ իրագործելու իր կամքը անսասան են, որովհետև, ըստ նրա, դա կենսական անհրաժեշտություն է Հայաստանի Հանրապետության քաղաքական, իրավական, հոգևոր անվտանգության համար։