Ռուս-հայկական հարաբերությունները հիմնված են բարեկամության վրա. Պուտինը Փաշինյանին
Ռուսաստանի նախագահ Վլադիմիր Պուտինը և կառավարության ղեկավար Միխայիլ Միշուստինը շնորհավորել են Հայաստանի վարչապետին երկրի Անկախության օրվա կապակցությամբ, հաղորդում է Հայաստանի վարչապետի մամուլի ծառայությունը:
Վլադիմիր Պուտինի շնորհավորական նամակում ասվում է, որ հայ-ռուսական հարաբերությունները հիմնված են բարեկամության և փոխադարձ հարգանքի բարի ավանդույթների վրա:
«Վստահ եմ, որ այդ հարաբերությունների հետագա զարգացումը լիովին համապատասխանում է մեր ժողովուրդների շահերին»,- ասվում է շնորհավորական ուղերձում։
Նա մաղթել է Փաշինյանին առողջություն և հաջողություններ, իսկ հայ ժողովրդին՝ երջանկություն և բարգավաճում։
Միխայիլ Միշուստինը նաև երկու երկրների փոխգործակցության հետագա ընդլայնման հույս է հայտնել:
«Համոզված եմ, որ նոր խոստումնալից նախաձեռնությունների առաջխաղացմանն ուղղված գործնական համագործակցության ընդլայնումը, Եվրասիական տնտեսական միության և Անկախ պետությունների համագործակցության շրջանակներում ինտեգրման խորացումը լիովին համապատասխանում է Ռուսաստանի Դաշնության և Հայաստանի Հանրապետության շահերին», - նշել է Միշուստինը:
