Հայաստանի կառավարությունը փորձել է արդարացնել Ղարաբաղյան պատերազմում պարտության մասին զեկույցի չհրապարակումը
Լեռնային Ղարաբաղում 44-օրյա պատերազմում պարտության պատճառների վերաբերյալ Հայաստանի Ազգային ժողովի քննիչ հանձնաժողովի վերջնական զեկույցն ուղարկվել է գաղտնի փաստաթղթերի բաժին և կանխվել է դրա հրապարակումը և հանրությանն այն հասանելի չի լինի։
Ըստ «Թասնիմ» լրատվական գործակալության՝ կառավարության որոշումը կտրուկ արձագանք է ստացել ընդդիմության կողմից, որն այն համարում է քաղաքական ղեկավարության աղետալի ձախողման քողարկում: Նրանք պնդում են, որ դրանով վարչապետ Նիկոլ Փաշինյանի կառավարությունը խախտել է «ժողովրդի հետ անընդհատ հաղորդակցվելու» իր խոստումը և փորձում է քողարկել այս ձախողման քաղաքական և ռազմական պատասխանատվությունը։
Կառավարությունը իր այդ քայլ արդարացրել է «ժամկետների անհամապատասխանության» և օրենքով սահմանված ժամկետի գերազանցման իրավական հիմնավորմամբ և հայտարարել -«Հաշվի առնելով, որ 44-օրյա պատերազմի հանգամանքներն ուսումնասիրող քննիչ հանձնաժողովի զեկույցը ժամկետների անհամապատասխանության պատճառով իրավական առումով անհնար է դարձել ներառել ԱԺ լիագումար նիստերի օրակարգում, բոլոր հնարավոր իրավական շահագրգիռ կողմերի հետ քննարկումների արդյունքում որոշում է կայացվել զեկույցն ուղարկել ԱԺ-ի գաղտնի փաստաթղթերի բաժին»։
Ընդդիմությունը քննիչ հանձնաժողովը սկզբից համարել է «շոու», Փաշինյանին արդարացնելու և քննադատների վրա հարձակվելու համար, և կարծում է, որ ռազմական հրամանատարների ցուցմունքների հրապարակումը հստակ կբացահայտեր քաղաքական ղեկավարության ձախողումը պատերազմը կառավարելու գործում։