Թրամփին մտահոգում են ԱՄՆ հրթիռային պաշարները 

ԱՄՆ նախագահ Դոնալդ Թրամփը նախազգուշացում է ստացել, որ եթե Իրանի հետ պատերազմը երկարաձգվի, ԱՄՆ հրթիռների և հակահրթիռային համակարգերի պաշարները կարող են սպառվել։

Հղում անելով՝ IRNA-ին, Pars Today-ը հաղորդում է, որ Wall Street Journal-ը՝ հղում անելով ռազմական աղբյուրներին, նշել է, որ Թրամփին զգուշացրել են, որ եթե Իրանի հրթիռային և անօդաչու թռչող սարքերի հնարավորությունները արագ չոչնչացվեն,   լայնածավալ և մաշող պատերազմը կարող է վտանգել ամերիկյան թիրախները։
Հղում անելով ներկայիս և նախկին ռազմական պաշտոնյաներին, պարբերականը գրել է, որ Իրանի հետ հակամարտության ընթացքում ԱՄՆ հրթիռային պաշարները սպառվել են։
Սթիմսոնի ինստիտուտի ավագ գիտաշխատող Քելլի Գրիեկոն, որը նախկինում դասավանդել է Օդային հրամանատարության և շտաբի քոլեջում, Wall Street Journal-ին ասել է, որ հարձակումների և հակահրթիռային համակարգերի կիրառման աճի հնարավորության դեպքում ԱՄՆ պաշարների չափը կարող է որոշիչ գործոն դառնալ։
Նոր Ամերիկյան Անվտանգության Կենտրոնի ավագ գիտաշխատող Բեքա Վասերը նույնպես պարբերականին ասել է, որ Թրամփի վարչակազմը արագ տեմպերով օգտագործում է իր հեռահար զենքերը, ինչը խնդրահարույց կլինի ամերիկացիների համար, եթե պատերազմը շարունակվի։