ԱՄՆ-ի արձագանքը ԵԱՀԿ Երևանի գրասենյակի փակմանը
ԱՄՆ-ն ափսոսանք է հայտնել Երևանում ԵԱՀԿ գրասենյակի փակման կապակցությամբ: Այս մասին նշված է Եվրոպայի անվտանգության եւ համագործակցության կազմակերպությունում ԱՄՆ ներկայացուցչության տարածած հաղորդագրությունում:
«Մենք ցավում ենք, որ Ադրբեջանը հրաժարվեց երկարաձգել մանդատը, քանի դեռ գրասենյակը չի դադարեցրել ականազերծման հետ կապված մարդասիրական գործունեությունը: Հայաստանը փոխզիջման ոգով համաձայնվեց, որ Երևանի գրասենյակը չշարունակի այդ գործունեությունը: Չնայած նախագահության՝ ամիսներ տևած ջանքերին, հնարավոր չեղավ բոլոր անդամ երկրների համար գոհացուցիչ լեզու գտնել գրասենյակի մանդատի երկարացման հարցում», - նշված է հայտարարությունում:
ԱՄՆ-ն խրախուսում է ԵԱՀԿ-ին շարունակելու համագործակցությունը Հայաստանի կառավարության և քաղաքացիական հասարակության հետ և կոչ անում նախագահությանը և գլխավոր քարտուղարին Հայաստանում և ամբողջ Հարավային Կովկասում ԵԱՀԿ ներկայությունը պահպանելու նոր ուղիներ փնտրել:
lragir.am
