Լարիջանի. Իրանի խորհրդարանն աջակցում է Հայաստանի հետ հարաբերությունների ընդլայնմանը
Իրանի իսլամական խորհրդարանի նախագահն ասել է. «Իրանի ու Հայաստանի հարաբերությունները գտնվում են լավ մակարդակում և Իրանի խորհրդարանն աջակցում է երկու երկրի խորհրդարանական, տնտեսական ու քաղաքական համագործակցությունների ընդլայնմանը»:
Իրանի խորհրդարանի լրատվական գործակալության հաղորդման համաձայն, Ալի Լառիջանին երկուշաբթի օրը՝ Թեհրանում, ՀՀ վարչապետ Կարեն Կարապետյանի հետ հանդիպման ժամանակ, հավելել է. «Իրանում ու Հայաստանում ներդրումների համար ենթահողը պատրաստ է և ճիշտ ճանաչողություն ձեռք բերելով երկու երկրների կարիքների կապակցությամբ պիտի զարկ տալ առևտրական հարաբերություններին»:
«Երկու երկրի միջև վիզային ռեժիմի չեղարկումն ազդեցիկ է եղել տուրիզմի արդյունաբերության ոլորտում և անհրաժեշտ հնարավորություններ ստեղծվելով նաև զարկ է տրվելու գյուղմթերքի ու արդյունաբերական արտադրանքների փոխանակմանն ու տարանցմանը»,-հավելել է Իրանի խորհրդարանի նախագահն ընդգծելով տուրիզմի արդյունաբերության նշանակությունը:
Իրանի օրենսդիր իշխանության ղեկավարը ԼՂ-ի հակամարտության կապակցությամբ միակ արդյունավետ ու շահավետ լուծումը երկխոսությունն ու խաղաղ բնակցություն է համարել:
Հանդիպման ժամանակ ՀՀ վարչապետ Կարեն Կարապետյանը չափազանց բարեկամական բնութագրելով Հայաստանի և Իրանի միջև հարաբերություններն, ասել է. «Երկու երկրի խորհրդարանական ու քաղաքական հարաբերությունները գտնվում են չափազանց լավ մակարդակում և փորձ ենք կատարելու տնտեսական ոլորտում օգտվել երկու երկրի բոլոր հնարավորություններից»:
Նա նշել է, որ Հայաստանն Իրանի սահմանի մերձակայքում ազատ գոտի է կառուցում, հավելելով. «Միջպետական հանձնաժողովի համանախագահները մեծ դերակատարություն ունեն առևտրի բնագավառում հարաբերությունների ընդլայնման հարցում և այս հանձնաժողովը պիտի սատարի հարաբերությունների մակարդակի բարձրացմանը»:
«Իրանի դիրքորոշումը տարածաշրջանում միշտ ուղղված է եղել անվտանգության ու անդորրի պահպանմանը և խաղաղ երկխոսության միջոցով կարելի է կարգավորել խնդիրները»,-հայտարարել է ՀՀ վարչապետը, շնորհակալություն հայտնելով ԼՂ-ի հակամարտության հարցում ԻԻՀ-ի դիրքորոշումների կապակցությամբ:
