Իրանն ավելացնելու է Հայաստան արտահանվող գազի ծավալները
Իրանի գազի ազգային ընկերության միջազգային հարցերով տնօրենը տեղեկացրել է Հայաստան արտահանվող գազի ծավալների ավելացման մասին: Այս մասին հաղորդել է ԻՌՆԱ լրատվական գործակալությունը:
Իրանի գազի ազգային ընկերության միջազգային հարցերով տնօրեն Բեհզադ Բաբազադեն երեքշաբթի օրն ասել է.«Երևանի ՋԷԿ» փակ բաժնետիրական ընկերությունը (ՓԲԸ) ցանկանում է ավելի շատ գազ ստանալ Իրանից և քանի որ Իրանի գազի ազգային ընկերության և «Երևանի ՋԷԿ» փակ բաժնետիրական ընկերության միջև ստորագրվել է «Գազ՝ էլեկտրաէներգիայի դիմաց» պայմանագիրը, Հայաստանը ցանկանում է մեկ միլիոն քառակուսի խորանարդ մետր գազի ծավալն ավելացնելով հասցնել մեկ միլիոն 600 հազար քառակուսի խորանարդ մետրի»:
Բաբազադեն հավելել է.«Առաջիկա շաբաթ հայկական պատվիրակությունն այս կապակցությամբ բանակցություններ անցկացնելու նպատակով կժամանի Թեհրան: Համաձայնության կայացման դեպքում, Իրանը կավելացնի Հայաստան արտահանվող գազի ծավալները»:
Իրանը և Հայաստանը 2004 թվականին ստորագրեցին «Գազ՝ էլեկտրաէներգիայի դիմաց» պայմանագիրը 20 տարի ժամկետով, որի համաձայն, Իրանից մատակարարվող գազն օգտագործվում է Հայաստանի ՋԷԿ-երի էներգաբլոկների համար, իսկ Հայաստանից էլեկտրաէներգիա է ներկրվում Իրան:
