Բաքուն Պերսոնա նոն գրատա է հայտարարել ֆրանսիացի քաղաքապետին
Ադրբեջանի ԱԳ նախարարության խոսնակը ԼՂ կատարած այցի պատճառով Պերսոնա նոն գրատա է հայտարարել Ֆրանսիայի Սենթաթին քաղաքի քաղաքապետ Գայել Փերդերիոնին:
Համաձայն «Ռեփորթ» լրատվական կայքի հաղորդման, Ադրբեջանի ԱԳ նախարարության խոսնակ Լեյլա Աբդուլաևան երկուշաբթի օրն ասել է. «Պաշտոնական Բաքուն անօրինական է համարոմ առանց Ադրբեջանի իշխանությունների հետ համադրության ԼՂ և հայկական ուժերի միջոցով վերահսկվող տարածքներ օտարերկրյա քաղաքացիների այցը»:
Ադրբեջանցի պաշտոնատարը ֆրանսիացի քաղաքապետի այցը ԼՂ դեմ է համարել միջազգային իրավունքին և Ադրբեջանի ու Ֆրանսիայի ազգային օրենքներին և ասել է. «Սենթաթինի քաղաքապետի ուղևորությունը սատարում է ԼՂ-ում «անջատական» ռեժիմի քարոզմանը»:
Աբդուլաևան անդրադառնալով ԼՂ-ի հակամարտության կարգավորման համար ԵԱՀԿ Մինսկի խմբում ԱՄՆ-ի ու Ռուսաստանի հետ միասին Ֆրանսիայի համանախագահությանն ասել է. «Ֆրանսիայի Սենթաթինի քաղաքապետի անօրինական այցը լուրջ հարված է հասցնում Ֆրանսիայի միջնորդական դիրքին և այս հակամարտության կարգավորմանն ուղղված միջազգային ջանքերին»:
