Զարիֆը կոչ է արել D-8 խմբին դիմակայել ԱՄՆ-ի հակաիրանական գործողություններին
Իրանի արտաքին գործերի նախարարը «D-8» անդամ երկրներին կոչ է արել դիմակայել Իրանի Իսլամական Հանրապետության դեմ ուղղված ԱՄՆ-ի անպատասխանատու և անօրինական քայլերին:
Թուրքիայի Անթալիա քաղաքում կայացած «D-8» խմբի անդամ երկրների արտաքին գործերի նախարարների հանդիպման ժամանակ, ԻԻՀ արտգործնախարար Մոհամմեդ Ջավադ Զարիֆը հայտարարել է, որ ներկա դրությամբ անհրաժեշտ է խթանել տնտեսական եւ առևտրային բազմակողմանի համագործակցությանը «D-8» խմբի շրջանակներում:
Զարիֆը հավելել է.-«Համաշխարհային տնտեսական անկման պայմաններում կասկած չկա, որ նման բացասական հայացքների ձեւավորման հիմնական պատճառը միակողմանիությունն ու առևտրային խոչընդոտներն ու պատժամիջոցներն են»:
Իրանի արտգործնախարարը հայտարարել է, որ միակողմանի առևտրային միջոցները, վրեժխնդրությունը և տնտեսական պատժամիջոցները կարող են խաթարել գլոբալ տնտեսությունն ու խափանել լայնածավալ բազմակողմ համագործակցությունը այն ժամանակ, երբ դա անհրաժեշտ է աշխարհի համար:
Իսլամական ութ երկրների «D-8» խմբի կազմում են Իրանը, Թուրքիան, Պակիստանը, Բանգլադեշը, Ինդոնեզիան, Մալազիան, Եգիպտոսը եւ Նիգերիան:
