Մարդու իրավունքների գերագույն կոմիսարն Իրանի հետ համագործակցության ցանկություն հայտնեց
ԻԻՀ ԱԳ նախարարն Իրանի ժողովրդի դեմ միակողմանի, անօրինական ու անարդար պատժամիջոցների գործադրումը մարդու իրավունքների կոպիտ ոտնահարում համարեց:
ԻԻՀ ԱԳ նախարար Մոհամմեդ Ջավադ Զարիֆը, երեքշաբթի օրը, Ժնևում, Աֆղանստանի միջազգային համաժողովին առընթեր, հանդիպում ու զրույց ունեցավ ՄԱԿ-ի Մարդու իրավունքների գերագույն կոմիսար Միշելե Բաշելեթի հետ:
ԻԻՀ ԱԳ նախարարը մարդու իրավունքների վեհ արժեքների շահարկման և ՄԱԿ-ի մարդու իրավունքների գործիքակազմն անկախ երկրների վրա ճնշում գործադրելու միջոց ծառայեցվելու կապակցությամբ ցավ հայտնելով, քննադատեց Իրանի դեմ մարդու իրավունքների հարցով բանաձևերի ընտրովի վավերացումը:
Միշելե Բաշելեթն այս հանդիպման ժամանակ ուրախություն հայտնելով Մոհամմեդ Ջավադ Զարիֆի հետ երկկողմ նիստ գումարվելու կապակցությամբ, ընդգծեց Իրանի հետ կառուցողական ու օգտակար համագործակցություն ունենալու պատրաստակամությունը:
Աֆղանստանի համաժողովը երեքշաբթի առավոտյան մեկնարկեց Ժնևում: Աշխարհի ավելի քան 60 երկրների բարձրաստիճան պաշտոնատարներ և միջազգային կազմակերպությունների մի խումբ ներկայացուցիչներ, մասնակցում են ՄԱԿ-ի ու Աֆղանստանի հյուրընկալությամբ կազմակերպված երկօրյա համաժողովը: