Ղասեմի. Իրանը կպատասխանի ցանկացած թշնամական քայլին
Իրանի Իսլամական Հանրապետության արտաքին գործերի նախարարության մամլո խոսնակն ասել է. «Իսլամական Հանրապետությունը անհրաժեշտ քայլեր կձեռնարկի Իրանի դեմ ուղղված ցանկացած թշնամական քայլի դեմ»:
ԻԻՀ ԱԳՆ խոսնակը, հակադարձելով, Իրանի կողմից արբանյակի արձակման վերաբերյալ ԱՄՆ-ի ու Ֆրանսիայի դիրքորոշումներին, ասել է. «Իրանի գործողությունները չեն հակասում ՄԱԿ-ի և Անվտանգության խորհրդի ցանկացած, այդ թվում՝ 2231 բանաձևին»:
Անդրադառնալով Լեհաստանում հակաիրանական համաժողովի գումարմանը, նա ասել է.«Միացյալ Նահանգների և Սպիտակ տան անփորձ ղեկավարները, թշնամական քաղաքականություն են որդեգրել Իրանի ժողովրդի դեմ: Նրանք փորձում են խնդիրներ ստեղծել Իրանի արտաքին հարաբերությունների մեջ և կանխել Եվրոպայի հետ համագործակցության ճանապարհը»:
Ղասեմին անդրադառնալով տարածաշրջանում ԱՄՆ քաղաքականությանն ու Սիրիայից այդ երկրի զորայինների դուրս գալու որոշմանն ասել է. «Ամերիկյան քաղաքականությունը ոչնչացնում է իսլամական երկրների ենթակառուցվածքները: Այս պահին նրանք տառապում են քրոնիկ գլխապտույտից, ինչի հետևանքով, հակասական հայտարարություններ են անում»:
ԻԻՀ ԱԳ նախարարության խոսնակը, նշել է, որ Իրանը Սիրիայում ռազմակայան չունի: Նրա խոսքերով. «Իհարկե, տարածաշրջանում ԱՄՆ-ի քաղաքականությունը չի բխում տարածաշրջանի ժողովուրդների շահերից: Վաշինգտոնը փորձում է ապահովել Սիոնիստական ռեժիմի անվտանգությունը և վնասել իսլամական երկրների ենթակառուցվածքները»:
