Իրանի ու Չինաստանի միջև առևտուրն կիրականացվի ազգային արժույթներով
Իրանն ու Չինաստանը, ԱՄՆ դոլարից կախվածությունը նվազեցնելու նպատակով, մտադիր են առևտուրն իրականացնել ազգային արժույթներով:
ԻԻՀ տնտեսության և ֆինանսաների նախարար Ֆարհադ Դուսփասանդը հայտարարել է. «Ներկայումս Թեհրանն ու Պեկինը բանակցում են՝ դրամավարկային ու ֆինանսկան պայմանագրի շուրջ, որը հնարավորություն կտա երկու երկրների միջև առևտրային գործարքներն իրականացնել ազգային արժույթներով»:
Դուսփասանդը, ով Իրանի ու Չիանստանի տնտեսական համագործակցության յոթերորդ համաժողովին մասնակցելու նպատակով մեկնել է Պեկին, ԻՌՆԱ-ին տված հարցազրուցյում ասել է. «Ներկայումս մշակվում են մի քանի ծրագրեր՝ Իրանի ու Չիանստանի տնտեսական հարաբերությունների զարգացման և Իրանի համար առկա բանկային խնդիրները լուծելու նպատակով»:
Նախարարը հավելել է, որ Իրանն ու Չինաստանը պետք է ջանքեր գործադրեն՝ առևտրի, ներդրումների, գիտության ու տեխնոլոգիաների ոլորտներում համագործակցությունների զարգացման ուղղությամբ: Նրա խոսքերով. «Նախատեսվում է երեքշաբթի օրը կայանալիք համատեղ տնտեսական նիստում քննարկել այս հարցերը»:
