Իրանի բանակի ծովուժի հրամանատար.«Տարածաշրջանում օտարերկրյա ուժերի ներկայության կարիքը չկա»
Իրանի բանակի ռազմածովային ուժերի հրամանատարն ասել է.«Հնդկական օվկիանոսի հյուսիսային հատվածում Իրանի և Խաղաղ օվկիանոսում Չինաստանի ծովային ուժը կհանգեցնի ծովային տարածքներից իմպերիալիստական ուժերի հեռանալուն»:
Չինաստանի Ցինդաո քաղաքում այդ երկրի ռազմածովային ուժերի ստեղծման 70-րդ տարելիցին նվիրված համաժողովի շրջանակներում, Չինաստանի ռազմածովային ուժերի հրամանատար Շեն Ջինլոնգի հետ հանդիպման ժամանակ, դերծովակալ Հոսեյն Խանզադին նշել է.«Այսօր Խաղաղ օվկիանոսում Չինաստանի և Հնդկական օվկիանոսի հյուսիսում Իրանի կողմից ծովային քաղաքակրթության թռիչքի ականատես ենք, և այս շրջաններում օտարերկրյա ուժերի ներկայության կարիքը չկա»:
Նշելով, որ երկու երկրները օվկիանոսներում ու ծովերում համատեղ սահմաններ ունեն, Իրանի բանակի ծովուժի հրամանատարը հավելել է.«Այս սահմանների համատեղ օգտագործմամբ, կարելի է մոտ ապագայում տարբեր ոլորտներում երկու երկրի միջև ստեղծել ավելի ընդլայնված համագործակցություն»:
Հանդիպման ժամանակ, Չինաստանի ռազմածովային ուժերի հրամանատար Շեն Ջինլոնգն իր երկրի պատրաստակամությունն է հայտնել Իրանի հետ համագործակցություններն ընդլայնելու համար, ասելով.«Միմյանց նավահանգիստներում երկու երկրի նավախմբերի ներկայությունը կխթանի այս հարաբերությունների արագացումը, և Չինաստանը մշտապես ողջունելու է դա»:
