Ֆրանսիայում ԻԻՀ դեպսան. Իրանի ռազմական դոկտրինայում ատոմային զենքի համար տեղ չկա
Ֆրանսիայում ԻԻՀ դեսպանը հայտարարել է, որ միջուկային զենքը երբեք ներառված չի եղել Իրանի ռազմական դոկտրինայում:
Երկուշաբթի օրը, «Լարվածությունների մեծացումը Պարսից Ծոցում» թեմայով կոնֆերանսում, Բահրամ Ղասեմին հայտարարել է, որ Իրանի ռազմական դոկտրինայում երբեք ատոմային զենք ներառված չի եղել: Նա հավելել է, որ այս մասին նշված է ոչ միայն Իրանի գերագույն առաջնորդի կողմից հրապարակված ֆեթվայում, այլ նաև ՀԳՀԾ-ում, որին Իրանի հավատարմությունը 14 անգամ ապացուցվել է Ատոմային էներգիայի միջազգային կազմակերպության զեկույցներում:
Նշելով, որ Իրանը պատրաստ է Պարսից Ծոցի տարածաշրջանի երկրների հետ բանակցությունների և քննարկումների միջոցով լուծել առկա խնդիրները, Ղասեմին հավելել է. «Այլ երկրներն են, որ չեն պատասխանել տարածաշրջանում խաղաղության հաստատման ու կայունության ամրապնդման ուղղությամբ Իրանի բարյացակամության կոչերին»:
Ղասեմին հավելել է. «Տարածաշրջանում անվտանգության ու կայունության հաստատումն այն ժամանակ միայն իրականություն կդառնա, եթե հաշվի առնվեն Պարսից Ծոցի տարածաշրջանի բոլոր երկրների շահերը»:
