Ռոհանին հեռախոսազրույց է ունեցել Կատարի Էմիրի հետ
ԻԻՀ նախագահ Հասան Ռոհանին, Կատարի Էմիրի հետ ունեցած հեռախոսազրույցում ասել է.««Իրանը ձգտում Է հասնել տարածաշրջանի անվտանգության ամրապնդման և ցանկություն չունի ու հակված չԷ բախումների մեջ մտնել այլ երկրների հետ»:
Իրանի նախագահ Հասան Ռոհանին, չորեքշաբթի օրը Կատարի Էմիր Թամիմ Բին Համադ Ալ-ե Սանիի հետ հեռախոսազրույցի ընթացքում շնորհավորելով Ֆեթրի բարեբաստիկ տոնի կապակցությամբ, հավելել է.«Եթե որևէ երկիր Իրանի դեմ անխոհեմ քայլ կատարի, ապա, անկասկած, կբախվի վճռական պատասխանի, որը նրան կստիպի զղջալ իր արածի համար»:
Ընդգծելով, որ տարածաշրջանի խնդիրները ռազմական լուծում չունեն, Ռոհանին հստակեցրել է.«Իրանը դեմ է պատերազմին, ճնշմանն ու պատժամիջոցներին»:
Նշելով, որ Արաբիան ու Էմիրությունները սխալ հարաբերություններ ունեն Իրանի, Եմենի ու Կատարի հետ, Ռոհանին ասել է.«Սաուդցիների ու էմիրաթցիների այդ վարքագծից կտուժի ողջ տարածաշրջանը»:
Կատարի Էմիր Թամիմ Բին Համադ Ալ-ե Սանին ևս շնորհավորելով Ֆեթրի բարեբաստիկ տոնի կապակցությամբ, պատմական է որակել Իրանի ու Կատարի հարաբերությունները: Բարձր գնահատելով Կատարի նկատմամբ Թեհրանի դիրքորոշումը, Կատարի Էմիրն ասել է.«Դոհան երբեք չի մոռանա Թեհրանի կառուցողական դիրքորոշումը, ուստի Կատարը ցանկանում է բոլոր ոլորտներում ընդլայնել իր հարաբերություններն Իրանի հետ»:
