Ռոհանի.«Իրանի ժողովրդի դեմ ԱՄՆ-ի բոլոր ջանքերը ձախողվել են»
ԻԻՀ նախագահն ասել է.«Անցած 14 ամիսների ընթացքում ԱՄՆ-ը ամենածանր պատժամիջոցներն է կիրառել Իրանի ժողովրդի դեմ, սակայն թե հասարակական, թե քաղաքական և թե իրավական դաշտում ձախողել է»:
Կիրակի օրը, Իրանի Հյուսիսային Խոռասան նահանգի Շիրվան քաղաքի ժողովրդի հետ հանդիպման ժամանակ, Հասան Ռոհանին նշել է, որ ամերիկացիները ձախողել են տարածաշրջանի երկրներում, այդ թվում՝ Աֆղանստանում, Իրաքում, Սիրիայում և Եմենում և եթե մեկը ասի, թե Իրանի ժողովուրդը ճնշումների տակ թուլացել է, դա սուտ ու ոչ-հավաստի հայտարարություն է:
Ռոհանին նշել է, որ Իրանի դեմ ԱՄՆ-ի կամայական քայլերը ձախողվել են ՄԱԿ-ում, ՄԱԳԱՏԷ-ում և այլ միջազգային կառույցներում: ՄԱԳԱՏԷ-ի Վճռադատ խորհրդում ևս երկրների մեծամասնությունը հովանավորեցին Իրանի ժողովրդին:
«Իրանի ներկայացրած հայցից հետո, ԱՄՆ-ը դատապարտվել է միջազգային դատարանում: Աշխարհի հանրային կարծիքը ևս դատապպարտել է ԱՄՆ-ի քայլերը»,-ասել է Իրանի գործադիր իշխանության ղեկավարը:
Ռոհանին նշել է, որ չնայած ԱՄՆ-ի ճնշումներին, ԻԻՀ-ը երբեք կարիքի ձեռք չի մեկնել օտարներին ու միջազգային հիմնադրամներին և կանգնել է իր ոտքին և ինքնուրույն վճարել է իր պարտքերը:
