ԻԻՀ ԶՈՒ ԳՇ պետն այցելել է Շանհայի ռազմածովային բազա

ԻԻՀ ԶՈՒ ԳՇ պետը, Չինաստանի բանակի միացյալ շտաբի պետի հրավերով, այցելել է Շանհայի ռազմածովային բազա:

ԻՌՆԱ-ի ուրբաթ օրվա հաղորդման համաձայն, Մոհամմադ Բաղերին ծանոթացել է ռազմաբազայի սարքավորումների ու հնարավորությունների հետ և քննարկումներ անցկացրել բազայի պաշտոնյաների հետ:

Այցի ավարտին, գեներալ Բաղերին մասնակցել է Չինաստանի բանակի միացյալ շտաբի պետի հրավերով կազմակերպված ընթրիքին:

ԻԻՀ ԶՈՒ ԳՇ պետը Պեկին է ժամանել չորեքշաբթի օրը: Այցի ընթացքում, Բաղերին հանդիպել է  Չինաստանի բանակի միավորված շտաբի պետի, ռազմական հանձնաժողովի ղեկավարի տեղակալի, Չինաստանի ռազմական համալսարանի ռեկտորի և համալսարանի ուսանողների հետ: