Սալեհի. Իրանն ու Ֆրանսիան զարգացնում են գիտական համագործակցությունները
Իրանի Ատոմային էներգիայի կազմակերպության ղեկավարը, երեքշաբթի օրը հանդիպել է Ֆրանսիայի Ատոմային էներգիայի հանձնաժողովի նախագահ Ժակ Ֆրանսուայի հետ: Հանդիպման ժամանակ Սալեհին ասել է. «Իրանն ու Ֆրանսիան ձգտում են զարգացնել հարաբերությունները տարբեր բնագառավներում, այդ թվում՝ ատոմային էներգիայի և միջուկային անվտանգության»:
Սալեհին հավելել է, որ այս կապակցությամբ փոխըմբռնման հուշագիրը պատրաստ է և Իրանն իր տեսակետը հայտնել է ֆրանսիացի պաշտոնյաներին: Նա հավելել է. «Փարիզն այժմ աշխատում է հուշագրի մշակման վրա և երբ այն վերջնականացվի ու ստորագրվի, լավ ենթահող կստեղծի երկու երկրների համագործակցության զարգացման համար»:
Նա անդրադարձել է նաև ՀԳՀԾ-ով ստանձնած իր պարտավորությունների կրճատման Իրանի քայլին, որը տեղի ունեցավ համաձայնագրից ԱՄՆ-ի դուրս գալուց և եվրոպացիների անգործության արդյունքում: Նա նշել է, որ Իրանն իր պարտավորությունները նվազեցնում է ՀԳՀԾ-ն պահպանելու նպատակով:
Եվրոպացիների կողմից Իրանի հետ միջուկային համաձայնագրով ստանձնած իրենց պարտավորւթյունները չկատարելու հետևանքով, Իրանը մինչ այժմ երեք փուլով կրճատել է իր պարտավորությունների կատարումը:
