Զարիֆ.«Իրանը բարոյական,կրոնական ու ռազմավարական առումով դեմ է միջուկային զենքին»
Իրանի ԱԳ նախարարը հերթական անգամ անգամ ընդգծել է, որ Իսլամական հանրապետությունը դեմ է միջուկային զենքի ստեղծմանը:
Իրանի ԱԳ նախարար Մոհամմեդ Ջավադ Զարիֆը շաբաթ օրը թուիթերյան իր էջում գրել է.«Իսլամական հեղափոխության մեծարգո առաջնորդը բազմիցս հայտարարել է, որ ատոմային զենքը դեմ է բարոյական նորմերին և խախտում է իսլամական սկզբունքները, ուրեմն դրա ստեղծումը, պահպանությունն ու օգտագործումն արգելված է»:
Զարիֆը հավելել է .«Իրանը բարոյական ու կրոնական առումով, և ռազմավարական անհրաժեշտություններից ելնելով դեմ է միջուկային զենքին»:
Իրանի իսլամական հեղափոխության մեծարգո առաջնորդ Այաթոլլահ Խամենեին հոկտեմբերի 9-ին, Իրանի գիտական էլիտայի հազարավոր երիտասարդ ներկայացուցիչների հետ հանդիպման ժամանակ ընդգծել է.«Մենք չնայած կարող էինք այս ուղղությամբ քայլ անել, սակայն իսլամ կրոնի համաձայն արգելված (հարամ) հայտարարեցինք: Ուրեմն ոչ մի պատճառ չկա,նման զենքի արտադրության ու պահպանման վրա ծախսեր անել»:
