Իրանի Գերագույն առաջնորդ. Տարածաշրջանի ժողովուրդներն ատում են Միացյալ Նահանգներին
Իրանի իսլամական հեղափոխության գերագույն առաջնորդը հայտարարել է. «Ես, Իրանի կառավարությունն ու ժողովուրդը, խստորեն դատապարտում ենք ԱՄՆ-ի կողմից Իրաքի Հաշդ-Ալ Շաբի խմբի դեմ իրականացրած հարձակումը»: Նա ընդգծել է որ տարածաշրջանի ժողովուրդներն ատում են ԱՄՆ-ին:
Չորեքշաբթի օրը Իրանi հազարավոր բուժքույրերի հետ հանդիպման ժամանակ Այաթոլլահ Ալի Խամենեին ասել է.«Տարածաշրջանում, հատկապես Իրաքում ԱՄՆ-ի հանդեպ ատելության ալիքը ժողովրդի բնական արձագանքն է ԱՄՆ-ի հանցագործություններին, և Հաշդ ալ-Շաբիի վրա ԱՄՆ-ի կողմից իրականացրած հարձակումը պատասխան գործողություն էր ԻԼԻՊ-ի պարտության համար, քանի որ այդ ահաբեկչական խումբը ոչնչացվեց Իրաքի ժողովրդական ուժերի կողմից»:
Այաթոլլահ Ալի Խամենեին անդրադառնալով ԱՄՆ նախագահի հայտարարություններին, որում Իրանին է մեղադրել վերջին օրերին Իրաքում տեղի ունեցած դեպքերի մեջ ընդգծել է.«Ամերիկան սխալվում է և այս հարցը չի առնչվում Իրանին»:
Իրանի գերագույն առաջնորդը հավելել է.«Իսլամական հանրապետությունը պատերազմ չի փնտրում, բայց յուրաքանչյուրի հետ, ով սպառնում է Իրանի ազգային շահերին, հետաքրքրություններին, առանց վարանելու խիստ կպատասխանանենք»:
Այաթոլլահ Խամենեին անդրադառնալով ԱՄՆ-ի հանցագործություններին, հատկապես Իրաքում և Աֆղանստանում գործող Բլաք Վաթեր խմբի հանցագործություններին, որոնք սպանել են հազարավոր իրաքցիների հավելել է.«ԱՄՆ պաշտոնյաների այցը տարածաշրջանի որոշ երկրներ, առանց նրանց թույլտվության և նրանց ներկայությունը ռազմաբազաներում, ԱՄՆ-ի նվաստացուցիչ վերաբերմունքի ևս մեկ օրինակն է տարածաշրջանի երկրների և ժողովուրդների հանդեպ»:
Իսլամական Հեղափոխության գերագույն առաջնորդն Իրանի ժողովրդին համրելով քաջ, գիտակից և աշախատունակ բոլոր ոլորտներում հավելել է.«Հաղթանակը պատկանում է Իրանի ժողովրդին և երկրի ապագան կլինի շատ ավելի լավ, քան այսօր»:
