Հարավային իրանահայության կրոնական առաջնորդների ցավակցական ուղերձը գեներալ Սուլեյմանիի նահատակության կապակցությամբ
Սպահանի և հարավային իրանահայության թեմի առաջնորդը ցավակցական ուղերձ է հղել ԻՀՊԿ Ղոդս ստորաբաժանման հրամանատար, գեներալ Սուլեյմանիի նահատակության կապակցությամբ:
Թասնիմ լրատվական գործակալության հաղորդման համաձայն, եպիսկոպոս Սիփան Քաշջյանի ուղերձում ասվում է. «Սպահանի և հարավային իրանահայությունն իր ցավակցությունն է հայտնում Իրանի մեծ ժողովրդին, գերագույն առաջնորդին և գեներալի ընտանիքին՝ «չարիքի առանցքի դեմ պայքարի ճակատի» հպարտ ղեկավար Ղասեմ Սուլեյմանիի նահատակության կապակցությամբ: Խստորեն դատապարտում ենք այս ահաբեկչական գործողությունը և ամենակարող Աստծուց խաղաղություն հայցում զոհվածների հոգիների համար»:
Լրատվական աղբյուրների հաղորդման համաձայն, հունվարի 3-ին, Բաղդադի օդանավակայանի դեմ ամերիկյան ուղղաթիռների հարձակման հետևանքով, նահատակվել է ԻՀՊԿ Ղոդս ստորաբաժանման հրամանատար, հաջ Ղասեմ Սուլեյմանին և Ալ Հաշդ ալ-Շաբի իրաքյան ժողովրդական աշխարհազորային կազմակերպության փոխհրամանատար Աբու Մեհդի ալ Մոհանդեսը:
