Իրանի զինված ուժերի գլխավոր շտաբի հայտարարությունը ուկրաինական ինքնաթիռի կործանման վերաբերյալ
ԻԻՀ զինված ուժերի գլխավոր շտաբը հայտարարություն է տարածել Թեհրանի մերձակայքում Ուկրաինական ավիաուղիներին պատկլանող ինքնաթիռի վթարի վերաբերյալ:
Օդանավը կործանվեց հունվարի 8-ին՝ Թեհրանի իմամ Խումեյնու անվան օդանավակայանից օդ բարձրանալուց րոպեներ անց:
Շաբաթ օրը տարածած հաղորդագրության մեջ, ԻԻՀ ԶՈՒ Գլխավոր շտաբը նշել է. «ԱՄՆ-ի նախագահի կողմից Իրանի պատմամշակութային օբյեկտների դեմ հարձակում իրականացնելու վերաբերյալ սպառնալիքից հետո, և հաշվի առնելով տարածաշրջանի երկնքում օդային երթևեկության աննախադեպ աճը, Իրանի զինված ուժերը բերվել էին պատրաստվածության բարձր մակարդակի՝ հավանական սպառնալիքներին պատասխանելու համար:
Նման ճգնաժամային պայմաններում, 752 թռիչքն իրականացնող ուկրաինական օդանավը իմամ Խումեյնու անվան օդանավակայանից օդ բարձրանալուց հետո և օդում պտույտ իրականացնելու ժամանակ, մոտեցել է ԻՀՊԿ ստորաբաժանումներցի մեկի օդային տարածքին և իր թռիչքի ու բարձրության պատճառով տպավորություն է ստեղծվել, որ այն թշնամական ինքաթիռ է: Արդյունքում, մարդկային սխալի ու ոչ դիտավորյալ կերպով, ինքնաթիռը խոցվել է հրթիռով»:
ԻԻԳ ԶՈՒ Գլխավր շտաբը ցավակցությունէ հայտնել զոհերի ընտանիքներին, նշելով, որ այս գործով հետաքննությունը շարունակվում է:
