Իրանը նամակ է հղել Միջազգային ծովային կազմակերպությանը՝ ԱՄՆ-ի վերջին սպառնալիքների վերաբերյալ
Լոնդոնում Իրանի դեսպանը հայտարարել է իրանական նավթային տանկերի դեմ ԱՄՆ-ի հնչեցրած սպառնալիքների կապակցությամբ IMO ծովային միջազգային կազմակերպությանը նամակ ուղարկելու մասին:
Համիդ Բաիդինեժադը նամակում իր խորը մտահոգությունն է հայտնել այն լուրերի կապակցությամբ, որ Միացյալ Նահանգները մտադիր է միջազգային ջրերում գործողություններ իրականացնել իրանական նավթային տանկերի դեմ և վտանգել միջազգային երթևեկության անվտանգությունը:
«Իրանը կպատասխանի իր նավերի դեմ ուղղված ցանկացած քայլի և Միացյալ Նահանգները կրելու է այդ քայլի հետևանքների պատասխանատվությունը», - ասել է Բաիդինեժադը:
ԱՄՆ-ի պատժամիջոցներին ենթարկված Իրանի ու Վենեսուելայի հարաբերությունների խորացումը մտահոգություններ է առաջացրել Սպիտակ տանը, իսկ իրանական վառելիքի տանկերի դեպի Վենեսուելա ուղղություն վերցնելուց հետո, Վաշինգտոնը զորուժ է ուղարկել Կարիբյան ավազան և սպառնացել է առգրավել իրանական տանկերը:
