Ֆորդոյում շարունակվում է ուրանի հարստացումը և իրանական ցենտրիֆուգների արդիականացումը
Իրանի խորհրդարանի Ազգային անվտանգության հանձնաժողովի խոսնակն ասել է, որ Ֆորդոյի ատոմակայանում ուրանի հարստացումն իրականացվում է 4.5 տոկոսով 1,044 ցենտրիֆուգներով:
Իրանի խորհրդարանի ազգային անվտանգության և արտաքին քաղաքականության հանձնաժողովի խոսնակ Աբոլֆազլ Ամուին երկուշաբթի օրը հայտարարել է, որ խորհրդարանի մի շարք անդամներ և իրանցի միջուկային գիտնականներ, այցելել են Նաթանզի և Ֆորդոյի միջուկային համալիրներ:
Նա հավելել է, որ այս համալիրներում շարունակվում է ցենտրիֆուգների նոր սերունդների, ներառյալ «IR 6», «IR 8» և «IR 9» ցենտրիֆուգների հետազոտման և զարգացման գործընթացը:
Ամուին անդրադարձել է Նաթանզում տեղի ունեցած վթարին, հավելել է, որ համալիրում ուրանի հարստացումը շարունակվում է նույն տեմպով և վթարը որևէ կերպ չի խանգարել աշխատանքներին:
Հիշեցնենք, որ հուլիսի 2-ին Նաթանզի միջուկային համալիրում տեղի էր ունեցել վթար:
