Մուսավի. «ԱՄՆ-ն պետք է պատասխանատվություն կրի Թոնդար ահաբեկչական խմբավորմանն աջակցելու համար»

Իրանի ԱԳ նախարարության խոսնակն ասել է. «ԱՄՆ-ն պետք է պատասխանատվություն կրի այդ երկրից Իրանի դեմ ահաբեկչական գործողությունները ղեկավարող ահաբեկչական խմբավորումներին աջակցելու համար»:

Բարձր գնահատելով Թոնդար ահաբեկչական դիվերսիոն խմբավորման պարագլուխ Ջամշիդ Շարմահդին ձերբակալելու Իրանի անվտանգության ուժերի խիզախ քայլը, Սեյեդ Աբբաս Մուսավին հավելել է.«ԱՄՆ ռեժիմն այն դեպքում է իրեն որպես Իրանի ժողովրդին մոտ ու սրտցավ երկիր ներկայացնում, երբ իր հողում տեղ է տվել վկայագրված ահաբեկիչներին: Նրանց, ովքեր ստանձնել են Իրանում իրականացված ահաբեկչական գործողությունների պատասխանատվությունը և իրենց ձեռքերը շաղախել իրանցի անմեղ քաղաքացիների արյամբ: ԱՄՆ ռեժիմն ամեն կարգի աջակցություն է ցուցաբերում այդ խմբավորումներին»:

Քննադատելով ԱՄՆ կառավարությանը, Մուսավին ասել է.«Այդ ռեժիմը պետք է պատասխանատվություն կրի Թոնդար և մյուս ահաբեկչական խմբավորումներին աջակցելու համար: Քանի որ այդ խմբերը ԱՄՆ-ի ներսից ղեկավարում են Իրանի ժողովրդի դեմ ուղղված դիվերսիոն գործողությունները և հեղում են իրանցիների արյունը:

Շաբաթ օրը, Իրանի ավտանգության նախարարությունը հայտարարել է, որ  Թոնդար ահաբեկչական խմբավորման ղեկավար Ջամշիդ Շարմահդը, որը Միացյալ Նահանգներից ղեկավարում էր Իրանում կազմակերպված դիվերսիոն գործողությունները,  ձերբակալվել է Իրանի անվտանգության ուժերի հատուկ գործողությունների արդյունքում:

Հայերեն ռադիոալիքին հետևեք սոցցանցերում

https://www.instagram.com/parstodayarmenian/

https://twitter.com/radio_armenian

https://www.reddit.com/user/armradio/

https://urmedium.com/c/armenianradio